COLCHA CON ONDAS E POMPÓMS

Este foi un proxecto que empecei hai un ano polo menos. Ao primeiro ía ser unha pequena mantiña para poñer "de adorno" aos pés da cama, en dous tonos similares aos das flores dunha funda nórdica que teño. O caso é que me fun emocionando, e rematei facendo unha colcha que podería cubrir toda a cama, de 2,50m por 3m.  Os pompóms fíxenos co tenedor, e o xeito de facer as ondas, vino neste blogue dunha rapaza inglesa. Non sabería dicir cántas horas tardei en facela pero foron bastantes. Paseino estupendamente, que é o máis importante, e gústame moito o resultado.


 Velaquí as fotos do resultado: